Përbërësit sintaksorë në këndvështrimin e prof. M. Çelikut: vështrim krahasues

“Sintaksa e përbërësve sintaksorë” e prof. M. Çelikut, gjuhëtar i shquar dhe me ndihmesë të çmuar jo vetëm në fushën e sintaksës, shërbeu si shtysa kryesore për të hartuar këtë artikull. Në fokus të tij është vënia në dukje e ndihmesës që këndvështrimi i argumentuar nëpërmjet kësaj vepre, sjell duke u krahasuar me drejtimet sintaksore të përqafuara, për ta afruar gjuhën shqipe me gjuhët, në të cilat ato janë tashmë të zbatuara. Synimi do të arrihet nëpërmjet krahasimit të statusit të përbërësve sintaksorë të trajtuar në këtë vepër, me atë të përbërësve të L. Bloofield-it apo atë të sintagmës së gramatikës gjenerative. Në këtë mënyrë mund të arrijmë të zbulojmë mundësinë e zbatimit të koncepteve përkatëse për gjuhën tonë, duke i dhënë vlerat që meriton, këtij këndvështrimi të ri, të sjellë nëpërmjet kësaj vepre me vlerë.